Лилия Муллагалиева - Бәхет өчен әллә күп кирәк

Бәхет өчен әллә күп кирәк?
Очучыга аяз күк кирәк.
Игенче бәхеттән исерә
Яңа пешкән икмәк исенә.


Бәхет өчен әллә күп кирәк?
Якты кояш, зәңгәр күк кирәк.
Бәхет өчен әллә күп кирәк?
Якты кояш, зәңгәр күк кирәк.

Барыр юлы әгәр туры булса,
Шул да бәхет арыган юлчыга.
Олы бәхет тырыш һәм тәртипле,
Аңлы бала – укытучыга.

Бәхет өчен әллә күп кирәк?
Якты кояш, зәңгәр күк кирәк.
Бәхет өчен әллә күп кирәк?
Якты кояш, зәңгәр күк кирәк.

Ата-ана күрә бәхетне,
Үз баласы булса бәхетле.
Ата-ана күрә бәхетне,
Үз баласы булса бәхетле.

Йортсызларга бәхет түбә булса,
Авыруга – хәле яхшырса.
Шагыйрь өчен бәхет кешеләрнең
Йөзләрендә шатлык, нур булса

Бәхет өчен әллә күп кирәк?
Якты кояш, зәңгәр күк кирәк.
Бәхет өчен әллә күп кирәк?
Якты кояш, зәңгәр күк кирәк.
Бәхет өчен әллә күп кирәк?

Якты кояш, зәңгәр күк кирәк.
Изге теләкләрең кабул булып,
Җирдә яшәү – үзе бер бүләк