Мейіржан Қазыбекұлы - Махаббатым менің

Жарық бердің, таңым болып аттың да,
Сәні сенсің мен баптаған бақтыңда.
Әнім болып, әнім болып шалқыдың,
Көгершіндей тереземді қақтың да.

Тал бойыңды көріп көзім тоймай жүр,
Түнде оятып арман шіркін қоймай жүр.
Жас баладай жүрек көрсе қуанды
Мұңаймасын ол жағында ойлай жүр.

Мұңға батып жүрген кезде кез келдің,
Сені көріп қалауыңдай өзгердім.
Мені іздейтін махаббатым менің деп
Мына әлемде бір жан барын сезгенмін.