Рыскүл Шайхисламова - Алғашқы би

Жүректі тербеп сазымен,
Басталды баяу бір әуен.
Қолыңды созып алғаш рет,
Шақырдың биге мені сен.

Көзіңмен көзім түйісіп,
Гүл сезім ашты қауызын.
Бір суып денем бір ысып,
Тұрдық біз үнсіз ұғысып.

Алғашқы би, алғашқы би,
Жүрегімді дір еткізген.
Ол ғажап күй, ол ғажап күй,
Алғашқы би, алғашқы би.

Ғажап күй кешіп расында,
Көңілім кетті шарықтап.
Көкпенен жердің арасында,
Тұрғандай болдым қалықтап.

Бақыттан басым айналып,
Кеткендей болды бір сәтке.
Денемнің әлсіз дірілін,
Сездің бе екен сол сәтте.

Алғашқы би, алғашқы би,
Жүрегімді дір еткізген.
Ол ғажап күй, ол ғажап күй,
Алғашқы би, алғашқы би.