Берен тобы - Бабалар ізі

Мынау байтақ жеріміз -байлығымыз,
Еңсемізді көтерген айбынымыз.
Талай ғасыр қорғаған жауға бермей,
Даналарым, бабаларым ей -ей.

Адыр-адыр таулардың қатпарлары,
Жұмбағы бар жасырған шатқалдары.
Дүбірлеткен жорықта ат тұяғын,
Қазағымның батырлары ей-ей.

Еңку -еңку жерлерде
атадан қалған іздер бар,
Асу-асу белдерде
тасқа жазған сөздер бар.
Қиқу -қиқу көлдерде,
айтылмаған сырлар бар,
Елім деген ерлерде
Терең -терең жырлар бар.
Күмбір-күмбір күйменен,
Ханға да шындық айтқан жер.
Жатқа басын имеген,
Жауды жеңіп қайтқан жер.
Оңғыл-доңғыл төбелер,
Әулиелерім жатқан жер,
Шошаңдаған найзасын,
Дұшпан тастап қашқан жер ей -ей!

Биік-биік еңселі шың құздары,
Қайсар туған елімнің ұл- қыздары.
Әр тарабын жайлаған
әрбір жерін
Қазағымның рулары ей- ей!
Иір қиыр кең дархан далаларым,
Ойран болған орны бар қалаларым.
Тарихымның куәсі бал- бал тастар,
Едірейген обаларым ей- ей!