Тұрғынәлі Дәуіт, Сая Махамбет - Жаңбыр бүгін

Жаңбыр жауды, ол дегенің тілегімнің орындалғаны,
Білесің бе маған неге ұнайтынын жауын жауғаны?
Себебі біз ақ жаңбырда танысқанбыз ақылды-әдемім,
Су-су болып тұрғанымда қолшатырмен шақырған едің.

Жаңбыр бүгін толассыз жауады,
Серуендейік аралап қаланы.
Тым әдемі бүгінгі ақ жауын
Біз танысқан кезді еске салады.

Жаңбыр бүгін көп ойға батырды,
Екеумізді көшеге шақырды.
Таныстырған біздерді сол күні,
Алып шықшы жаным қол шатырды.
Жауады жаңбыр!

Жаңбыр бүгін қанша адамды мұңайтады, жабықтырады?!
Қанша адам, біз секілді өз бақытын жолықтырады?!
Сезім іздеп қанша адамның көңілдері мазаланады?
Жүректері Алматының ауасындай тазаланады.