Азамат Есқұл, Гүлжайнар Керей - Бір шәугім шәй

Бір шәугім шай барма еді естеріңде,
Қара шәугім қайнайтын мештеріңде.
Қайран анам малынып қара терге,
Таңертең, түс, құятын кештеріңде.

Қойдың қиы - отыны құрғақталған,
Қара мұржа түтіні будақталған.
Таң бозынан тұратын қайран анам,
Бір шәугім шай құятын қаймақталған.

Тезек теріп келуші-ек қыраттардан,
Су әкеліп құятын бұлақтардан.
Қара шәугім қалдың-ау қара қоста,
Қанат қағып өзіңнен жырақтағам.

Бір шәугім шай ішейік сыр ақтарып,
Анамызды ешқашан жылатпайық.
Келіп-кетіп тұрайық сағынышпен,
Айлар емес ара күн бір аптағып
Қара мешің құт болып тұра берсін.
Тамған терін анамның құлатпайық .