Лилия Янтурина - Тыуған ауылым

Мин ҡайтырмын һиңә тыуған ауылым
Япраҡ ярғас яҙын аҡ ҡайын
Йөрәгемдең ярһыуына түҙмәй
Ашығамын һиңә яҙ һайын

Ҡоштар булып осоп ҡайтырмын да
Талдан-талға ҡунып һайрарға
Ҡайҙа ғына йөрөтһә лә яҙмыш
Тыуған ауылым һине һайлармын

Ҡайтырмын мин ҡар аҫтынан йырып
Умырзая ҡалҡҡас ҡояшҡа
Ҡарт имәнде килеп ҡосаҡларға
Һыймаһа ла минең ҡосаҡҡа

Ҡоштар булып осоп ҡайтырмын да
Талдан-талға ҡунып һайрарға
Ҡайҙа ғына йөрөтһә лә яҙмыш
Тыуған ауылым һине һайлармын

Мин ҡайтырмын сит ерҙәрҙә йөрөп
Күңелемә тынғы тапмағас
Йәшел яҙҙың күркәм мәле булып
Сәскә атҡан саҡта алмағас

Ҡоштар булып осоп ҡайтырмын да
Талдан-талға ҡунып һайрарға
Ҡайҙа ғына йөрөтһә лә яҙмыш
Тыуған ауылым һине һайлармын