VAL - Калыханка з месячыкам

Спі, мой коцік, баю-баю-баю
Сні жар-птушкі вечнае пяро
Сярод зорак месячык блукае
І дадолу сыпле серабро

Баю-баю-баю
Спі, мой коцік, спі
Баю-баю-баю

Спі, любімка, баю-баю-баю
Дрэвы спяць, і чуйна спяць лісты
Срэбра ён табе панакідае
У світальны кошык залаты

Баю-баю-баю
Спі, любімка, спі
Баю-баю-баю

Спі, малеча, баю-баю-баю
Бо даўно паснулі казкі ўсе
Хутка ў вокнах сонейка заззяе
І на промнях ранак прынясе

Баю-баю-баю
Спі, малеча, спі
Баю-баю-баю

А пакуль я гушкаю-люляю
Ды вандруе месяц-пілігрым
Спі, дзіцятка, баю-баю-баю
Грэй далоньку носікам сваім