Мейіржан Бақытбек - Бәрін ұсындым

Менің бүгін махаббаттан жараланып жаным қалғасын,
Сенің көз жасыңдай болып нөсерлетіп жауын жауғасын.
Жүріп өттің күннің бұлтындай,
Қайғы жұттың неге құлпырмай.
Кетер болсаң кетші жұлқынбай, бұлқынбай!

Жақшада тұрған есіміңді, қалаймын мәңгі өшіруді бүгін.

Тек өзіңе қолда бардың бәрін ұсындым,
Сен қанатын жұлып алдың бақыт құсымның.
Қарғысына айналдың ау сағынышымның
Бәрін ұсындым саған.
Елемедің сен бірақ, елемедің сен бірақ!

Саған не болды?
Аяғымнан сонша тартып ұстап қалардай,
Сені көрсе жүрек сырын ұялмастан күшті ақтарардай.
Ортамызда бөгет тұрардай,
Жағалауда тұрам бара алмай.
Кетіп бара жатсың оралмай, оралмай!

Сенімен аттас сұлулардың,
Жек көрем енді бүгін бәрін, жаным!