Лаура Айтбаева - Sezim

Жанарыңның жұмбағын,
Сезіміңнің сырларын
Көзіңдегі мұңды да ,
Жүрегіммен тыңдадым.

Бұрын соңды көрмедім,
Бақыт құсы сен бе едің ?
Қыз баланың айта алмас,
Нәзік сырын сезбедің..

Түндей тұнық жанарың,
Көзімді алмай қарадым.
Бақытыма балаған,
Тек өзіңсің бағалым.

Жанда сабыр қалмады,
Өрт сезімім лаулады.
Азаматтық болмысың,
Мені өзіңе баурады

Тербеп әннің бесігін
Қақтың сезім есігін
Жүрегімде мәңгіге
Сақталады есімің

Сұлу қандай көктегі ай,
Уақыт сырғып өткені-ай.
Сезімімді тек ән ғып,
Айта аламын әттең-ай